Үкіметтік емес ұйымдар
Сенім телефоны: 26-16-44
Бүгін: 12 қараша 2019 жыл
KZ RU
Нашар көретіндерге арналған нұсқа
Басты бет » Қоғам » Ішкі саясат

Үкіметтік емес ұйымдар

Енгізілді: 09.02.2017Өзгертілді: 02.10.2019

Үкіметтік емес ұйымдармен атқарылған жұмыстар

Қазіргі уақытта облыстық Әділет басқармасының мәліметіне сәйкес, Қызылорда қаласы бойынша 432 ҮЕҰ тіркеуде тұр. Оның ішінде 163 қоғамдық қорлар, 269 қоғамдық бірлестіктер бар.

Қала әкімінің 2016 жылғы 15 желтоқсандағы №6659 қаулысымен Қала әкімдігі жанындағы үкіметтік емес ұйымдармен өзара іс-қимыл және ынтымақтастық жөніндегі Кеңес құрамы бекітіліп, онда қалалық дербес бөлім басшылары, саяси партиялар мен белсенді қоғамдық бірлестіктердің өкілдері мүшелік етуде. Аталмыш кеңестің 2019 жылға арналған жұмыс жоспары бекітіліп, 2019 жылдың 28 наурызында жоспарға сәйкес кеңестің бірінші тоқсандағы және 20 маусымда екінші отырыстары өткізілді. 

Үкіметтік емес ұйымдардың әлеуметтік маңызды жобаларын жүзеге асыруға қалалық  бюджеттен  2019  жылы 8 млн 127 мың теңге қаржы бөлініп, оған 5 әлеуметтік жоба қарастырылды. Қазіргі уақытта жобалар бойынша мемлекеттік әлеуметтік тапсырыс арқылы конкурс нәтижесімен жеңімпаздар анықталып, өнім берушілермен келісім-шарт жасалды.

Атап айтқанда:

1. «Қала көлемінде діни экстремизм мен терроризмнің алдын алуға бағытталған насихаттық шараларды ұйымдастыру» әлеуметтік қызметі. Жоба құны 4 млн теңге. Биылғы жылы аталған жобаға жергілікті бюджеттен 4 млн теңге бөлініп, өткен жылмен салыстырғанда 3 есеге ұлғайды. Аталған жобаның жұмыс жоспарына сәйкес қазіргі таңда қалалық білім беру ұйымдарында (54 мектепте) діни экстремизм мен терроризмнің алдын алу мақсатында қалалық ақпараттық-түсіндірме топ мүшелерінің қатысуымен 54 кездесу ұйымдастырылды.

Сонымен қатар, жоба аясында үстіміздегі жылғы 14-16 маусым күндері республикаға белгілі теолог, исламтанушы ғалым «Нұр-Мүбәрәк» Египет ислам мәдениеті университетінің ғылыми қызметкері Ризабек Батталұлы Қызылорда қаласына арнайы шақырылып, қала көлеміндегі мешіт имамдарына, кент және ауылдық округ әкімдері, ақпараттық-түсіндірме топ мүшелері сондай-ақ, «Дінтану пәні» мұғалімдеріне 1 семинар, жастар ұйымдары, маргинал жастармен 1 кездесу, ЗК 169/5 түзету мекемесінде экстремизм және терроризм бабы бойынша сотталған 14 азаматпен жеке кездесу ұйымдастырылды. Бұл бағыттағы ауқымды шаралар алдағы уақытта жалғасын табады.

Дәстүрлі емес діни ағым идеясының теріс мәнін әшкерелеу, оларға қарсы иммунитет қалыптастыру, зайырлылық, жастарды патриотизмге, ұлттық құндылықты насихаттау мақсатында «Фейсбук» әлеуметтік желісінде «Руханият және дәстүр» парақшасы жұмыс жасауда. Аталған парақшада 38 материал жарияланды.

2. «Халықты құқықтық сауаттандыру, психологиялық кеңес беру және сыбайлас жемқорлықтың алдын алуға бағытталған ақпараттық түсіндірме шараларын ұйымдастыру» әлеуметтік қызметі. Жоба құны 700 мың теңге. Жоба аясында «Сыбайлас жемқорлыққа жол жоқ», «Адал жас болашақ кепілі», «Сыбайлас жемқорлықсыз өмір» атты дөңгелек үстелдер мен «Сыбайлас жемқорлыққа қарсы іс-қимыл – әрбір азаматтың міндеті» тақырыбында кездесулер өткізілді. Сонымен қатар, шілде айында халықтың құқықтық, психологиялық сауаттылығын арттыру мақсатында арнайы сала маманының тұрғындарға 50 сағаттық кеңес беруі өткізілді.

3. «Ұшқыр қалам» атты журналистер фестивалін ұйымдастыру» әлеуметтік қызметі. Жоба құны 1 млн 900 мың теңге. Жоба аясында 28 маусым  Байланыс және ақпарат қызметкерлері күні мерекесіне орай 27 маусым күні «Сыр самалы» мейрамханасында «Ұшқыр қалам» атты журналистер фестивалі өткізіліп, қаланың әлеуметтік, экономикалық дамуын айрықша ақпараттандырып жүрген 32 байланыс және ақпарат қазметкерлері қала әкімінің арнайы сыйлығымен марапатталды.

4. «Елбасы жолдауын және мемлекеттік бағдарламаларды, отбасы құндылықтарын насихаттау шараларын ұйымдастыру («Мерейлі отбасы», «Жомарт жүрек», т.б)» әлеуметтік қызметі. Жоба құны 1 млн теңге. Жоба аясында сәуір айының 22-26 күндері қалаға қарасты барлық ауылдық округтерде және «Абзал и К» компаниясы мен студенттер сарайында Елбасы Жолдауын насихаттау мақсатында құрылған ақпараттық насихаттық топ тұрғындармен кездесті.

Сонымен қатар, 2019 жылғы 22 мамырда А.Тоқмағамбетов атындағы қалалық мәдениет үйінде «Мерейлі отбасы - 2019» ұлттық конкурсының қалалық кезеңінің қорытынды салтанатты шарасы өтті. Конкурсқа биыл барлығы 13 отбасы өтінім білдіріп, арнайы құрылған комиссияның шешімімен 5 отбасы облыстық кезеңге жолдама алды.

1 орын Достыбаевтар отбасы, Тасбөгет кенті;

2 орын Беркімбаевтар отбасы, Қызылөзек ауылы;

3 орын Жаназаровтар отбасы, Талсуат ауылы;

«Қамқор отбасы» номинациясымен Малбағаровтар отбасы, Қызылорда қаласы;

«Өнегелі отбасы» номинациясымен Айтбаевтар отбасы, Ақжарма ауылы. 

Сонымен қатар, жоба аясында «Жомарт жүрек» сыйлығының лауреаттарын салтанатты марапаттау шарасының қалалық кезеңі 2019 жылдың 15 тамызында А.Тоқмағанбетов атындағы қалалық мәдениет үйінде өткізілді. Байқау 5 номинация бойынша өткізіліп, номинация лауреаттары марапатталды.

1. «Ерен еріктілік» номинациясымен қаламыздың белсенді жас еріктісі, «Жылы жүрек жастар» қоғамдық бірлестігінің төрағасы Сиюов Сағатбек Қуанышбайұлы;

2. «Жыл меценаты» номинациясымен «Астана сервис ЛТД» ЖШС директоры Әбдіхалықов Муса Жақыпұлы;

3. «Жыл тұлғасы» номинациясымен «Интегрострой» ЖШС директоры, қалалық мәслихат депутаты Ысқақов Бақдәулет Құлбекұлы;

4. «Жылдың үздік ұйымы» номинациясымен «Жылы жүрек жастар» қоғамдық қоры;

5. «Туған өлке» номинациясымен Қызылөзек ауылының тұрғыны, «Сұңқар ССК» ЖШС бас механигі, «Қанат» шаруа қожалығының төрағасы Ізбасқанов Қайрат Маханбетиярұлы марапатталды.  

 

5. «Мүмкіндігі шектеулі азаматтарға арналған аула клубының қызметін ұйымдастыру» әлеуметтік қызметі. Жоба құны 527 мың теңге. Жоба бойынша мүмкіндігі шектеулі жандарға арналған аула клуб құрылып жұмыс жасауда. Аула клубта 28 маусым күні «Фото-видео монтаж» тақырыбында оқыту курсы өтіп, оған 5 мүмкіндігі шектеулі азамат қатысып, сертификаттар табысталды. Сонымен қатар 16 шілде күні Шахмат, дойбы және тоғызқұмалақтан турнир өткізіліп, оған 12 мүмкіндігі шектеулі адам қатысып, сертификаттар табысталды. Сондай-ақ, мүмкіндігі шектеулі 10 азаматтың қатысуымен «Іс жүргізу ісі» бойынша курс өткізіліп, сертификаттар табысталды.  

 

Қала әкімінің ұсынысы негізінде 2 әлеуметтік жобаға қалалық бюджеттен қосымша 14 млн теңге қаржы бөлінді. Атап айтқанда:

1. «Қызылорда қаласы бойынша Кондоминиум қызметін дамыту және тиімді басқару» әлеуметтік қызметі. Жоба құны 8,0 млн теңге. Жоба аясында қала бойынша тұрғын үйлердің мәліметтер базасы жасалды. Көп қабатты тұрғын үйлер кондоминиумына бақылау жасалды. 

2. «Қызылорда қаласында медиация қызметін дамыту» әлеуметтік қызметі. Жоба құны 6,0 млн теңге. Жоба аясында 2019 жылғы 5 тамызда Достық үйі ғимаратында қала тұрғындарына арналған «Ашық есік күні» өткізілді. Қатысшыларға медиация қызметі туралы түсіндіріліп, сауалнама жүргізіліп, арнайы брошюралар таратылды. Барлығы 80 адам қатысты.

2019 жылғы тамыз айында «Жалпы медиация курсы» бойынша үш курс өткізіліп, оған 30 адам қатысып, сертификат табысталды.

Сонымен қатар, қала мектептерінде Медиация кабинеттері ашылды.   

Сонымен қатар, 2019 жылдың 15 ақпанында  қала әкімдігінің ұйымдастыруымен Кеңес әскерлерінің Ауғанстан жерінен шығарылғанына 30 жыл толуына орай «Тағзым алаңы» ескерткіші маңында митинг өткізілді. Интернационалдық борышын өтеу жолында қапыда қаза болған жауынгерлердің рухына арнап құран бағышталды. Митингте облыс әкімінің орынбасары Қ.Ысқақов, қала әкімінің орынбасары Ш.Байманов, «Ауғанстан соғысы ардагерлері ұйымы» қоғамдық бірлестігінің төрағасы Қ.Баймахановтар сөйлеп, шараға қатысушы ауған соғысы ардагерлері ескерткішке гүл шоқтарын қойды. Сондай-ақ Невада-Семей ардагері Өтебалиев Серік 12 шақырымды жүгіріп өтіп, жастарға үлгі көрсетті.

Митингтен соң аталмыш шараның жалғасы салтанатты түрде А.Тоқмағанбетов атындағы мәдениет үйінде өтті. Ауған соғысы ардагерлері облыс әкімінің алғыс хаттарымен, қала әкімінің құрмет грамоталарымен марапатталып, әскери-патриоттық концертпен жалғасты.

Сонымен қатар, «Ақ отау» мейрамханасында боздақтарға арнап 200 ауғандық ардагерге ас берілді. Ардагерлер Кеңес әскерлерінің Ауғанстаннан шығарылғанына 30 жыл толуына орай медальдармен марапатталды. 

2019 жылдың 28 ақпанында қала әкімдігінің ұйымдастыруымен «Невада-Семей» антиядролық қозғалысының құрылғанына 30 жыл толуына орай «Тағзым алаңы» ескерткіші маңында митинг өткізіліп, құран бағышталды.

Митингтен соң аталмыш шараның жалғасы салтанатты түрде А.Тоқмағанбетов атындағы мәдениет үйінде өтті. «Невада-Семей» ардагерлері облыс әкімінің алғыс хаттарымен, қала әкімінің құрмет грамоталарымен марапатталып, шара соңы әскери-патриоттық концертпен жалғасты.

Сонымен қатар, «Үкіметтік емес ұйымдарымен өз қызметі жөніндегі мәліметтерін ұсыну және олар туралы дерекқорды қалыптастыру қағидаларын бекіту туралы» Қазақстан Республикасы Мәдениет және спорт министрінің 2016 жылғы 19 ақпандағы №51 бұйрығына өзгерістер енгізу туралы» 2017 жылғы 6 желтоқсандағы №175 бұйрығына сәйкес, 2019 жылдың 31 наурызына дейін өз ұйымдары туралы мәліметтерді Қазақстан Республикасы Қоғамдық Даму министрлігіне тапсыру қажеттілі жөнінде жергілікті БАҚ, әлеуметтік желілерде хабарландырулар жарияланып, үкіметтік емес ұйым өкілдеріне ескертпе хат жолданды. Нәтижесінде қала бойынша 84 ҮЕҰ өз қызметтері туралы мәліметті уақытылы ұсынған.

Мәліметтерін уақытылы ұсынбаған 5 ҮЕҰ ға әкімшілік хаттама толтырылып, олардың ішінде 4-не сот қаулысымен ескерту түріндегі жаза тағайындалды. Ал, 1 ҮЕҰ-ға 3 айға дейін жұмысын тоқтату жазасы тағайындалды.

Фотогалерея
Сауалнама
Жастар жылында бірінші кезекте жастардың қандай мәселесі шешілуі керек?

 баспана мәселесі
 жұмыспен қамту
 жас отбасыларға қолдау көрсету

 
Халықтық бақылау
Видеогалерея